Skupština organizacije Igara malih zemalja Evrope održana je danas u hotelu „Maestral“.
Delegati su upoznati sa posljednim detaljima prije početka Igara, koje se otvaraju večeras u 21 sat u Budvi.
Predstavljeni su i projekti organizacije IMZE 2021. u Andori i 2023. na Malti.
Za novog generalnog sekretara IMZE izabran je Mark Tisen (Marc Thiesen) iz Luksemburga na period od četiri godine, dok će Žan Pjer Šebel (Jean Pierre Schobel) iz Monaka i naredne dvije godine ostati predsjednik Tehničke komisije.
Predsjednik Olimpijskog komiteta Andore Haume Martin imenovan je za predsjednika organizacije IMZE, a dužnost će preuzeti 1. juna.
Andora je domaćin narednog izdanja igara.
