Vladimir Dragičević igra sezonu iz snova u ekipi Nižnjeg Novgoroda.
Njegov tim je danas na svom parketu bio bolji od Cmoki Minska rezultatom 77:70 a bivši košarkaš Budućnost Volija u pobjedi je učestvovao sa čak 27 poena i 7 skokova za nešto manje od 29 minuta na parketu.
Od njega bolji bio je samo Sedler čijih 30 poena nije pomoglo timu iz Minska da izbjegne poraz. Tome je doprinijelo i loše šutersko veče našeg Vladimira Mihailovića koji se nije upisao u listu strijelaca ali je imao čak 10 skokova uz tri asistencije.
Na tabeli VTB lige Nižnji zauzima poziciju broj osam dok je Cmoki ostao na začelju.
