Košarkaši Bajerna ostvarili su još jednu pobjedu i tako nastavili sa fantastičnim učinkom – 17 pobjeda u isto toliko odigranih utakmica.
Tim Dejana Radonjića danas je savladao u gostima ekipu Bajrojta rezultatom 90:93 i tako zadržao maksimalan skor u Bundesligi.
Na ovom teškom gostovanju Radonjićeva ekipa je gotovo tokom cijelog meča bila u prednosti, ekipu je predvodio raspoloženi Vladimir Lučić sa 21 poenom, a slijedili su ga Nihad Đedović sa 16 i Derik Vilijams sa 10 poena.
Kod domaćina najviše se istakao Erik Mike sa 23 i De’Mon Brooks sa 20 poena.
Naredna utakmica za ekipu minhenskog Bajerna je zakazana za četvrtak kada će u Evroligi dočekati ekipu Fenerbahčea.
