Salihović odustao u prvoj vožnji

0
410
FOTO: REUTERS

Crnogorski skijaš, Eldar Salihović ostao je bez plasmana u slalomu na Zimskim olimijskim igrama u Pjoongčangu.

On je u prvoj vožnji napravio grešku i odustao.

Salihović je u Pjongčangu nastupao i u veleslalomu i završio na 64. mjestu.

Zlatnu medalju osvojio je Šveđanin Andre Mirer, koji je do najvećeg uspjeha u karijeri došao u vremenu minut, 38 sekundi i 99 stotinki.

To je njegovo drugo olimpijsko odličje, nakon što je bio bronzanii na Igrama u Vankuveru 2010. godine.

Mirer je prvi Šveđanin koji je postao olimpijski šampion u alpskom skijanju poslije 38 godina, kada je Ingemar Stenmark u Lejk Plesidu osvojio zlata u slalomu i veleslalomu.

Srebro je pripalo Švajcarcu Ramonu Cenhojzernu sa 34 stotinke zaostatka, dok je bronzani bio Mihael Mat iz Austrije.

Najveći favorit za zlato, Austrijanac Marsel Hiršer izletioje u prvoj, dok Norvežanin Henrik Kristofersen nije završio drugu trku.