Košarkaši Orlanda izgubili su od šampiona Istoka Klivlenda 113:106 u predsezonskom meču NBA lige.
Kavsi su igrali bez Džejmsa, Lava i odavno povrijeđenog Tomasa, ali su ipak slavili protiv Magičnih. Vučević je za 25 minuta ubacio 11 poena uz pet skokova i dvije asistencije. Najefikasniji u Orlandu bio je Gordon sa 21 poenom, 12 je dodao Simons po 11 su imali i Furnije i Pejton.
Za pobjednički tim 15 poena Vejda, 11 Korvera. Rouz je ubacio devet poena ali je igrao tek devet minuta. Klivlend je dosta rotirao, pa je Vejd na terenu proveo samo 12 minuta.
U derbiju večeri San Antonio je savladao Hjuston 106:97. Rakete su igrale bez Krisa Pola, a ni Harden nije bio šuterski raspoložen pošto je pogodio samo pet od 17 šuteva. Ubacio je 15 poena, ali i podijelio 11 asistencija. Gordon je bio raspoložen sa 27 poena.
Kod pobjednika 26 poena Oldridža, 14 Gej, 13 Anderson, 11 Grin, 10 Lovernj.
