Kako je prethodnih dana najavljivano Blažo Igumanović je napustio Rudar i preselio se u Kazahstan.
On će narednih šest mjeseci nositi dres jednog od najboljih kazahstanskih klubova Astane. Društvo u tom klubu će mu praviti nekadašnji igrač Zete i Budućnosti Damir Kojašević koji već par sezona brani boje ovog tima.
Igumanović (27) je od 2004-2009 nastupao za Zetu za koju je odigrao 81 meč. Nakon toga je postao član Rudara za koji je nastupao na 85 utakmica. Za reprezentaciju Crne Gore je debitovao na utakmici protiv san Marina (3-0) i to mu je za sada jedini nastup za naš A tim.
