Košarkaši Saragose pobijedili su ekipu Lietkabelisa rezultatom 76:67 u okviru prvog meča osmine finala Fibine Lige šampiona.
Nakon izjednačene prve četvrtine španska ekipa je potpuno preuzela kontrolu nad utakmicom, lagano riješila drugu i treću dionicu u svoju korist i došla do zaslužene pobjede. Naš reprezentativac Nemanja Radović odigrao je dobru utakmicu, za nešto više od četrnaest minuta provedenih na parketu upisao je 13 poena i uhvatio 4 skoka.
Kod domaćina još su se istakli Enis i Sili sa po 14 poena. Kod Lietkabelisa najefikasniji je bio Šakić sa 18 koševa, Dimsa je dodao 16.
Revanš utakmica između ovih ekipa se igra 10. marta u Litvaniji.
