Viktor Garsija, trener Gran Kanarije, kaže da navijači pomažu dosta Budućnosti Voli na domaćim mečevima u Evroligi.
Španski trener je rekao i da je njegov tim imao problema da u završnim trenucima isprati nivo Budućnosti.
“Znali smo koliko je teško igrati ovdje. Morača je neugodan teren jer navijači pomažu mnogo igračima.” kazao je Garsija i nastavio:
“Počeli smo utakmicu uz mnogo problema u odbrani 1 na 1. Primili smo 27 poena u prvoj četvrtini. U drugoj smo to ispravili, spustili ih na samo devet poena. Nastavili smo tako da igramo do završnice uz odličan procenat šuta za tri poena. Kasnije smo imali problema kada je Budućnost podigla nivo igre, posebno u zavšrnih nekoliko minuta.”
