Bivši crnogorski reprezentativac i bivši igrač Sportinga iz Lisabona, Simon Vukčević, karijeru nastavlja upravo u Portugalu.
Njegov novi klub je portugalski Čaves koji će od ove sezone igrati u prvoj ligi nakon što je u sezoni za nama izborio plasman u najeltnije takmičenje.
Simon je prošlu sezonu proveo na Kipru braneći boje Enozisa.
Sa Čavesom, potpisao je ugovor na godinu dana.
Simon je u Sportingu igrao od 2007. do 2011. godine i najavljivao je blistavu karijeru koja ipak nije išla uzlaznom putanjom.
Prošle sezone postigao je jedan gol za tim sa Kipra.
Za crnogorsku reprezentaciju odigrao je 45 mečeva a dva puta bio je strijelac.
