Mirko Vučinić kreator preokreta Al Džazire!

0
387

Kapiten crnogorske fudbalske selekcije u pravoj je golgeterskoj formi pred duel u kvalifiacijama za Evropsko prvenstvo sa Rusijom.  Mirko Vučinić je golovima u 48, i 55. minutu potpisao preokret Al Džazire na gostovanju Al Nasru (4:2).

Domaćin je poveo pred posljednji sudijski zvižduk u prvom poluvremenu, ali je Vučinić sa dva gola početkom nastavka potpisao preokret, koji je potvrdio reprezentazivac Burkine Faso Pitroipa pogotkom u 63. minutu. Pitroipa je postigao i posljednji gol na utakmici u 80. minutu, četiri minuta nakon što je za Al Nasr pogodio Senegalac Ibraima Ture, nekadašnji igrač Monaka.

Vučinić je u prvesntvu UAE do sada postigao 23 gola, a dubl protiv Al Nasra bio mu je drugi uzastopni, a treći ukupno. Ima i dva het-trika uz jedan “poker” golova.

Al Džazira je šest kola prije kraja na drugom mjestu sa četiri boda iza lidera Al Aina.

 

 

 

 

 

Vijesti