Danka Kovinić pobijedila i stigla do drugog kola

0
252
Foto: Guliver/Getty images

Danka Kovinić ostvarila je drugu pobjedu na WTA turu ove godine.

Naša najbolja teniserka slavila je u prvom kolu turnira u Istanbulu, protiv 19-godišnje Ruskinje Ane Kalinskaje, 6:3, 6:3.

U drugom kolu je čeka Holanđanka Aranća Rus, 123. igračica svijeta, koja je iznenadila Kineskinju Šuai Ženg – 6:2, 6:3.

Kovinić je do glavnog žrijeba došla preskočivši dva kola kvalifikacija, pobjedama protiv Australijanke Kimberli Barel i Holanđanke Bibijane Šofs.

Ona je u Istanbulu prije dvije godine igrala finale, u kome je izgubila od domaće igračice Džagle Bujukačkaj.

Turnir u Istanbulu igra se za nagradni fond od 250 hiljada dolara.

Prošle godine trofej je osvojila Ukrajinka Elina Svitolina.