Kadeti Crne Gore poraženi od Hrvatske

sport
Piše: sport 766 pregleda Dodaj komentar

kadetiHrvatska   2

Crna Gora 1

 

ARNOLDŠTAD – Gradski stadion. Sudija: Z. Omerhodžić (Austrija). Strijelci: Burzanović u 10 za Crnu Goru, Sabolović u 44 i Lovren u 60. minutu za Hrvatsku.

 

Hrvatska: Adrian Šember, Matej Udeček (Zdravko Simonović), Bruno Goda, Vinko Soldo, Branimir Kalaica, Davor Lovren, Luka Pasariček (Ivan Delić), Antonio Lukanović (Ivan Leovac), Nikola Moro (Bruno Budalić), Borna Borovec (Adrijan Zenko), Kristijan Sabolović.

 

Crna Gora: Milisav Vuksanović (Matija Šarkić), Stefan Knežević, Petar Šušić (Momčilo Rašo), Božidar Đukić, Blagoje Đurković, Miomir Đuričković (Stefan Vukčević), Danilo Marković, Balša Boričić (Zoran Petrović), Marko Burzanović (Driton Camaj), Oliver Šarkić, Nikola Vujnović.

 

Kadetska reprezentacija Crne Gore poražena je u meču drugog kola memorijalnog turnira „Trofej Nereo Roko“ od selekcije Hrvatske rezultatom 2:1.

 

Naši kadeti prikazali su odličnu igru u većem dijelu susreta, pogotovo u prvom poluvremenu, koje nisu uspjeli da završe sa više od jednog gola prednosti. Izabranici Borisa Ljutice u prvom dijelu su propustili četiri dobre prilike, od kojih se u kategoriju stopostotnih mogu svrstati dvije u kojima se našao Vujnović.

 

Već u četvrtom minutu „sokolići“ su mogli do prednosti kada je Burzanović sjajno uposlio Vujnovića koji je iskosa sa lijeve strane šutirao pored gola protivnika. Naši kadeti došli su do prednosti u desetom minutu susreta nakon odlične akcije Boričića i centaršuta po zemlji Šarkića. Na pravom mjestu bio je Burzanović koji je poslao loptu iza leđa Šembera.

 

Do odlaska na odmor Vujnović je još jednom imao odličnu priliku ali je protivnički golman uspio da zaustavio njego udarac. Hrvati, su sa druge strane, u prvom dijelu susreta samo jednom ozbiljnije zaprijetili Vuksanoviću nakon dobre kontre i udarca Sabalovića.

 

Nastavak susreta donio je bolju igru „vatrenih“ koji su nakon 14. minuta igre došli do izjednačenja. Vuksanović je uspio da odbije loptu nakon udarca Pasaričeka sa 20 metara ali samo do Sabalovića koji je sproveo u nebranjenu mrežu.

 

Samo minut kasnije naša selekcija imala je posljednju priliku da riješi meč u svoju korist ali Vujnović ponovo nije uspio da nadmudri protivničkog golmana.

 

U posljednjem minutu susreta Hrvati su uspjeli da dođu do pogotka i pobjede na današnjem susretu. Odličan prodor Sabalovića kroz sredinu terena krunisao je Lovren koji je zaobišao istrčalog Šarkića i poslao loptu u mrežu.

 

– Kada u utakmici dominirate u svim momentima igre, promašite četiri velike šanse u prvom poluvremenu, jednu u drugom i sve to do polovine drugog poluvremena kad nam je ponestalo snage nije realno da osvojite tri boda. Poveli smo nakon odlične akcije Boričića i Šarkića i egzekucije Burzanovića. Primili smo prvi gol nakon greške naše odbrane a drugi u zaustavnom vremenu, kada smo sa četiri napadača jurili tri boda koja su nam trebala za prvo mjesto u grupi. Ostaje nam da oporavimo ekipu za sjutrašnji duel sa Kanadom kada se i nadamo da ćemo moći da računamo na danas povrijeđenog Popovića i pokušamo da osvojimo preostala boda, rekao je selektor Ljutica.

 

U posljednjem kolu grupne faze memorijala „Trofej Nereo Roko“ koji se igra sjutra naši kadeti odmjeriće snage sa selekcijom Kanade.

 

Izvor: sajt FSCG

Podijeli ovaj članak
Ostavi komentar