Košarkaši Mornara nisu uspjeli da trijumfuju na gostovanju Kataji i time zadrže maksimalan učinak nakon tri odigrana kola.
U tijesnom meču trećeg kola grupe C, Mornar je zabilježio prvi poraz. Kataja je uspjela da se osami na čelu tabele sa sve tri pobjede. Konačan rezultat, 81:76.
U redovima Barana, istakao se Uroš Luković koji je imao nevjerovatno veče. On je zabilježio 21 poen uz 13 skokova za ukupan indeks korisnosti 31. Jedini raspoložen pratilac gorostasnog centra bio je Derik Nidam sa 17 postigutih poena.
Mornar se sada nalazi na drugom mjestu grupe C FIBA Evropskog kupa sa skorom 2-1.
