Košarkaši Budućnost Volija pretrojeli su večeras prvi poraz u “Morači” u Evrokupu ove sezone – tim Petra Mijovića je izgubio od Arisa 65:63.
Budućnost je u prvom poluvremenu imala 16 poena prednosti, a u trećoj četvrtini i 10 poena viška (51:41). I pored toga “plavi” nisu uspjeli da prelome meč, već su u posljednjoj četvrtini postigli samo sedam poena i izgubili.
“Težak poraz. Imali smo izuzetnih prvih 15 minuta. Mislim da je ključ u posljednjih 10 minuta, gdje smo u napadu bili loši. U posljednja 3-4 minuta prvog poluvremena smo imali 16 poena prednosti, a na odmor otišli sa plus pet što je njima dalo motivaciju. Vratili su se, ali mi smo odbili nalet, otišli na plus 10 i potpuno stali. Uzeli smo loša rješenja, nismo uspjeli da uhvatimo ritam u napadu u posljednjoj četvrtini. Aris je zasluženo pobjedio“, rekao je trener Budućnosti Petar Mijović.
Budućnost narednog utorka gostuje Ulmu.
