Rukometašice Meca sinoć su slavile u dramatičnoj završnici na gostovanju Šambreu rezultatom 26:27.
Junakinja vrlo važne pobjede bila je čuvar mreže crnogorske reprezentacije Marina Rajčić – ona je branila u drugom poluvremenu, upisala je 8 odbrana ali ona najvažnija viđena je u posljednjoj sekundi susreta kada je skinula sedmerac za veliko slavlje gostujućeg sastava.
Zato i ne treba da čudi što je bivša golmanka Budućnosti danas na svim naslovnim stranama sportskih časopisa u Mecu a ovom pobjedom Gros i drugarice izjednačile su se na čelu tabele sa Brestom a imaju i meč manje.
Upravo je Gros sa 7 golova predvodila pobjednički sastav, 5 je dodala Smits a 4 Horaček.
U domaćem sastavu Čeba je postigla 7 a Sise se 6 puta upisala u listu strijelaca.
Za francuski tim nema odmora – već za dva dana čeka ih gostovanje u Budimpešti i meč Lige šampione sa Ferencvarošom. Ne bi bilo loše da Mara još jednom zablista…
