Crnogorski rukometaš Marko Čampar igra sjajnu sezonu u dresu izraelske Nes Zione.
Snažni pivot nedavno je i produžio ugovor a na posljednje dvije utakmice gdje je bio jedan od najzaslužnijih za plasman svog tima u plej-of postigao je čak 17 golova.
Nes Ziona sada u četvrtfinalu ima težak zadatak da prođe pored favorizovanog Hapoel Le Ziona ali u duelu gdje se igra na dvije dobijene utakmice sve je moguće.
U ostalim četvrtfinalnim duelima sastaju Bnei Herzlija i Hapoel Ashdod, Ramat Hašaron i Makabi Mockin kao i Makabi Le Zion i MK Holon.
Podsjećanja radi, Marko Čampar u svojoj karijeri branio je boje klubova iz Mađarske, Crne Gore i Turske, a u Izraelu je nastupao i za Hapoel Kirjat Ono i Makabi Dimonu.
