Košarkaši belgijskog Antverpena plasirali su se u polufinale FIBA Lige šampiona.
Iznenađujuće, oni su slavili u oba meča četvrtfinala nad ekipom Nižnjeg Novgoroda i tako se pridružili ekipama Tenerifea, Virtusa i Bamberga.
Ruskom sastavu ni u drugom meču nije pomoglo odlično izdanje našeg Vladimira Dragičevića koji je upisao 16 poena i 10 skokova.
Belgijski sastav prosto je imao više raspoloženih košarkaša koji su mudro rasporedili poene i može se reći da je ovo definitivno pobjeda kolektiva a ne bilo kojeg pojedinca.
Nakon pobjede u Rusiji 83:68, Antverpen je na svom terenu slavio 66:61 i tako i definitivno otklonio sve sumnje oko pobjednika ovog dvomeča.
