Al Džazira za koju igra naš reprezentativac Mirko Vučinić je porazom od Bani Jasa izgubila sve šanse za osvajanje titule u šampionatu UAE.
Ovoj pobjedi Bani Jase se najviše radovao Al Ain koji je tri kola prije kraja proslavio osvajanje titule. To je za njih rekordna 12 titula.
Al Džazira je bila apsolutni favorit i očekivala se sigurna pobjeda koja bi promociju šampiona odložila za neko od narednih kola, međutim gosti su pobrinuli da iznenade sve.
Več na poluvremenu je bilo 0-2, a golove su dali Verdu u 12. i Đaber u 16.minutu.
U nastavku ista priča, gosti povećavaju na 0-3 preko Mohameda u 71.minutu. Vučinić je osam minuta kasnije smanjio na 1-3, a onda je Naser u 90. minutu vratio tri gola prednosti gostima.
Konačnih Al Džazira-Bani Jasa 2:4 postavio je Pitroipa u sudijskoj nadoknadi.
Tri kola prije kraja Al Ain ima 55 bodova, a Al Džazira je skupila 10 manje.
Jedina satisfakcija Vučiniću je ta što je uvećao prenost na listi strijelaca u odnosu na Brazilca Vanderleja. Naš reprezentativac je postigao 24 gola, a Vanderlej 15.
CG-FUDBAL
