Još jedna vrhunska partija crnogorskog centra!
Nevjerovatni Nikola Vučević ponovo je bio junak svog tima i najbolji igrač utakmice u velikoj pobjedi Orlanda protiv direktnog rivala za posljednje mjesto u plej-ofu – Orlando je kao gost slavio protiv Majamija.
Naš centar upisao je novi “double-double” postigavši 24 poena uz 16 skokova, uz to je imao i 5 asistencija kao i po jedan skok i blokadu.
Orlando bi u slučaju da je izgubio imao pobjedu manje od Majamija kao i meč više, dok sada na tabeli od istog rivala uz meč više ima i pobjedu više, odnosno 37 uz 38 poraza.
Ipak večerašnjom pobjedom Orlando je čak prišao i sedmoplasiranom Bruklinu koji je prethodno nakon produžetaka poražen od Portlanda, tako da je Vučevićev tim večeras odradio ogroman posao s obzirom da je za Orlando ostalo još 7 utakmica do kraja regularnog dijela sezone i da se play-off uskoro bliži.
