Predsjednik košarkaških operacija Orlanda Džef Veltmen izuzetno cijeni Nikolu Vučevića.
Naš as će na ljeto biti slobodan agent, a Veltmen se nada da će ga zadržati u redovima Magičnih. I Nikolu i Terensa Rosa koji je u istoj situaciji.
“Obojica imaju sjajne godine, odlični su ljudi i mislim da su se dobro adaptirali na način igre koji forsira trener Kliford. Takođe mislim da je obojici prijao rad sa njim. Oni su igrači kakve naša organizacija želi.” kazao je Veltmen i dodao:
“Mislim da se i njima sviđa ovdje, dopada im se klub, grad, navijači i trener. Imamo dobre namjere da ih zadržimo, ali u julu će pasti pregovori. Nadamo se da će se vratiti u dres Orlanda, ali oni donose odluku. Sada jednostavno ne razmišljamo o tome, jer je rano. Fokus je na plej of i mislim da svi o tome mislimo.”
Nikoli na kraju sezone ističe ugovor sa Orlandom, mnogo je zainteresovanih klubova za njega, pa ga čeka vrlo važna odluka.
