Crnogorske teniske selekcije do 14 i 16 godina završile su nastup na Vinter kupu.
Dječaci do 14 godina, koje je predvodio selektor Ivan Nikolić, u sastavu: Emil Dapčević, Matija Samardžić i Mihailo Papović ostvarili su jednu pobjedu i dva poraza u Trstu. Savladana je Mađarska 3:0, dok su istim rezultatom naši reprezentativci poraženi od Portugala i Kipra. Prva je Italija koja je u finalu savladala Švajcarsku. Naša selekcija u ukupnom plasmanu zauzela je peto mjesto.
Djevojčice do 14 godina predvodio je selektor Vojislav Dobrković, a tim su činile Divna Ratković, Tea Nikčević i Anja Jovović. One su u mađarskom Peču zabilježile polovičan učinak. Poraz od Litvanije i pobjeda nad Luksemburgom koja je donijela deveto mjesto našoj ekipi.
Dječaci do 16 godina imali su najteži zadatak u Budimpešti, jer su njihovi protivnici po godinu a neki i dvije godine stariji. Danila Raičevića, Petra Jovanovića i Mila Gazivodu predvodio je selektor Srđan Milunović. Oni su poraženi od Mađarske, Srbije i Slovenije i takmičenje završili na osmom mjestu.
Ovo su bile prve provjere našim selekcijama pred prvenstvo Evrope, koje je na programu u julu.
