Borba za plasman u Ligu šampiona postala je još zanimljivija – ostatak 33. kola Serije A donio je šokantan poraz Juventusa, te očekivane i bitne pobjede Lacija i Fiorentine.
“Stara dama” je na Tardiniju izgubila od Parme 1:0, a gol odluke dao je Pelegrini u sudijskoj nadoknadi prvog poluvremena.
Juventus je tako ostao na petom mjestu sa 59 bodova, koliko od večeras ima Lacio koji je u gostima savladao Đenovu 2:0, pogocima Kasteljanosa i Dije.
Naš Adam Marušić odigrao je čitav meč za “neboplave”.
Do cijelog plijena u gostima stigla je i Fiorentina, koja je sa 2:1 bila bolja od Kaljarija. Strijelci za “violu” Gosens i Beltran, za domaće Pikoli.
Iako osma na tabeli, Fiorentina je sada na -4 u odnosu na četvrtoplasiranu Bolonju.
Torino je kod kuće rezultatom 2:0 pobijedio Udineze.
