Košarkaši Budućnost Volija u osmom kolu ABA lige dočekuju Cibonu. U tom meču plavo-bijeli će biti bez čak četiri košarkaša.
“Očekuje nas izuzetno težak meč, možda i najteži do sada u regionalnoj ABA ligi. Cibona je ozbiljan rival i jako dobro ih vodi Damir Mulaomerović. Najjači su na pozicijama 4 i 5, tu su odradili odličan posao i pokazali ozbiljnost.” – kazao je Šćepanović pred derbi osmog kola.
Cibosi su upisali samo jedan poraz, dok je Budućnost i dalje maksimalna. Ipak plavo-bijeli su imali vrlo tešku sedmicu meč u Beogradu, pa putovanje do Rusije.
“Iscrpljeni smo od meča sa Zenitom, tek večeras ćemo odraditi ozbiljan trening i to sigurno nije dovoljno da se spremi meč kako bih želio. Ipak Budućnost pred svojim navijačima uvijek ide na pobjedu i tako će biti protiv Cibone.” – poručio je Šćepo, koji je dočekao dobre stvari i od Markusa Vilijamsa.
“Raduje me Vilijamsova forma, u posljednje dvije utakmice bio je ono što želimo od njega, pravi lider i odigrao je na visokom nivou. I sam sam bio igrač, znam kako je igrati pod pritiskom, ali nema sumnje da je on veoma talentovan košarkaš.” – zaključio je Šćepanović.
Budućnost i Cibona igraju u subotu od 19 sati. Plavo-bijeli će opet biti oslabljeni pošto neće igrati Ilić i Baćović, te Sead Šehović i Gordić. Raduje to što bi Nemanja mogao biti na klupi, što bi značilo da se približio momenat njegovog povratka na teren.
