Real Madrid je teže nego što rezultat govori slavio na gostovanju novajliji Ovijedu 3:0 i upisao i drugu pobjedu u Primeri.
“Kraljevski klub” je na startu šampionata savladao Osasunu 1:0.
Real je poveo u 37. minutu preko Mbapea, a igrači domaćina su nakon toga protestvovali, jer su smatrali da je prethodno bio prekršaj.
Real je na poluvrijeme otišao sa prednošću.
Ovijedo je u nastavku imao nekoliko prilika, i stativa je u jednom navratu spasila Real. A onda je domaćina u finišu stigla kazna.
U 83. minutu je Viniijus proigrao Mbapea koji je zapečatio sudbinu Ovijeda. Tačku na utakmicu stavio je Vinisijus u nadoknadi vremena.
Real ostaje na maksimalnom broju bodova, dok je Ovijedo na nuli.
