Poraz i u revanšu: Kadeti opet izgubili od Bosne i Hercegovine

Kadetska fudbalska reprezentacija Crne Gore poražena je i u drugom prijateljskom susretu sa vršnjacima iz Bosne i Hercegovine.

Rezultat je bio istovjetan onome u utorak – 2:0, a i situacija na terenu je bila slična. Izabranici Radovana Kavaje nijesu iskoristili odlične šanse koje su stvorili, dok su gosti, uz dva postignuta gola, kontrolisali ritam igre.

Najbolju šansu za ,,sokole“ propustio je Bojan Pavićević u 23. minutu, kada je promašio gol sa nekoliko metara poslije lopte Vladimira Perišića.

Bosna i Hercegovina uzvratila je šansama Aldina Mešića u 27. i Mateja Šakote u 38. minutu, a dobru igru krunisala je u 50. minutu. Antonio Prskalo krenuo je u solo prodor, koji je završen pogotkom.

Konačan rezultat postavio je dvadesetak minuta kasnije Nermin Bijelonja, da bi u periodu od 81. do 90. minuta Crna Gora stvorila tri dobre situacije. Ipak, neprecizni su bili Pavićević, Medo Juković i Mitar Globarević.

– Slična utakmica kao i prethodna. Očigledno je da smo ovu utakmicu igrali sa velikim naporom, a kada je tako, onda teško da možemo očekivati mirnoću u igri. Napravili smo dosta grešaka, pogotovo u pasu, pa je i bilo teško doći do boljeg rezultata. Da smo iskoristili par dobrih šansi, sigurno da bi utakmica otišla drugim tokom. Kako je utakmica odmicala, bili smo u sve lošijem položaju i protivnik je znao to da iskoristi. U svakom slučaju, u ova dva meča imali smo dosta igrača koji su prvi put tu, na neke nijesmo mogli da računamo i očigledno je da nam fali veći fond igrača. Moraćemo širiti tu bazu igrača koji mogu konkurisati za mjesto u reprezentaciji, objasnio je selektor Kavaja.

CRNA GORA – BOSNA I HERCEGOVINA 0:2

Strijelci
0:1 – Prskalo 50’, 0:2 – Bijelonja 71’

Crna Gora: Andrej Krivokapić, Nihad Balić (od 61. Vuk Matejić), Balša Medenica (od 54. Anđelko Bokan), Vedad Turusković (od 54. Stefan Vulanović), Damjan Kovačević, Vaso Bojanović (od 71. Nebojša Papović), Balša Radusinović (od 54. Petar Aničić), Vladimir Perišić (od 71. Nikola Braletić), Dragoljub Radoman (od 71. Medo Juković), Bojan Pavićević, Kastriot Ljuljđuraj (od 61. Mitar Globarević).

Bosna i Hercegovina: Đorđe Vojvodić, Irfan Ramić (od 75. Filip Pandža), Harun Malkočević-Berberović, Matej Šakota (od 70. Amar Pekarić), Haris Hasanović (od 75. Jahija Bajrić), Antonio Prskalo (od 70. Neriman Kočević), Aldin Mešić (od 58. Vukašin Daničić), Enedin Mulalić, Božo Prusina (od 70. Goran Milovanović), Hamza Jaganjac (od 58. Nermin Bijelonja), Hamza Redžić.

Povezani članci

Leave a Reply

Pročitajte i ovaj članak:
Close
Back to top button