Ništa novo kada je regionalna A1 liga u pitanju, Primorac nastavlja da dominira.
Do 12 pobjede u isto toliko mečeva, došao je protiv Medveščaka – 19:5 (4:3, 4:1, 7:0, 4:1).
Hrvatski tim je parirao samo u prvoj četvrtini, a kako je vrijeme odmicalo, Kotorani su dominirali.
Posebno raspoloženi bili su u trećoj dionici, kada su dali sedam, a nisu primili nijedan gol.
Srđan Janović je dao četiti pogotka, a po tri Marko Mršić i Balša Vučković.
Kataro je minimalno poražen u susretu sa Zadrom – 11:10 (2:3, 2:1, 4:2, 3:4).
Utakmica je riješena tri i po minuta prije kraja, kada je Roko Bašić pogodio za 11:8. a do kraja je Kataro samo ublažio poraz.
Nikola Radonjić je za kotorski tim upisao tri gola.
Budva je doživjela novi poraz, ovog puta od Splita – 11:5 (3:2, 2:2, 4:0, 2:1), a dobro se držala do polovine meča, kada je imala gol zaostatka (5:4).
Luka Savić je za Budvu postigao dva gola.
Budva će u suboitu od 15 sati igrati protiv KPK-a.
Medveščak i Kataro će u bazen od 16.45 sati, dok je će rival Primorca biti Zadar, a meč je na programu od 20 sati i 15 minuta.
U subotu će u bazen i hercegnovki Jadran u Premijer ligi. Gostuje Jugu u Dubrovniku, a meč je zakazan za 18 sati.
