Fudbaleri Notingem Foresta pobijedili su Mančester siti (1:0), u derbi meču 28. kola Premijer lige.
Junak “šumara” bio je Kalum Hadson-Odoi, koji je u 83. minutu postigao pobjedonosni gol.
Hadson-Odoi je prihvatio loptu koju mu je poslao Morgan Gibs-Vajt, ušao u šesnaesterac i pored statičnog Joške Gvardiola pogodio bliži ugao gola Edersona.
“Građani” su najbliži izjednačenju bili u nadoknadi vremena, ali je Mateo Kovačić zamalo promašio.
Generalno gledano, nije ovo bila pretjerano interesantna utakmica, a Siti je najbliži golu bio u ranoj fazi susreta, kad su pokušavali Haland i Niko Gonsales.
Tim Nuna Espirita Santa ima 51 bod, Siti je na “koti” 47, dok iza vrebaju Čelsi (46), Njukasl (44), Bornmut (43)…
