Član šampionske generacije Sutjeske dvadesetšestogodišnji Nikola Stijepović novi je član Rudara. Stijepović je prije 18 mjeseci otišao iz Nikšića u albanski Kastrioti, a potom je svoj fudbalski put nastavio u Gruziji gdje je igrao za Torpedo Kutaiši. Stijepović igra na poziciji lijevog beka, sa Sutjeskom je osvojio dvije titule i jedan Kup, bio je standardan u u Albaniji, dok je u Gruziji odigrao sedam utakmica.
Stijepović će sigurno biti veliko pojačanje za Rudar jer se radi o marljivom sportisti koji je bio na vratima reprezentacije. Za reprezentaciju ispod 21 godine nastupio je na četiri utakmice.
Nakon Benjamina Kacića Stijepović je drugo pojačanje Rudara u ovom zimskom prelaznom roku. Rudar je za sada zvanično napustio Marko Vuković koji je otišao u Sutjesku.
