U Mađarskoj ništa novo – košarkaši Solnoka uzeli su trofej u Kupu a danas je u finalu “stradao” Sombatelj rezultatom rezultatom 92:83.
Rezultat nam i ne daje pravu sliku s obzirom da je Solnok u posljednjoj četvrtini dozvolio protivniku da spusti ubjedljivu razliku.
A bio je ovo i još jedan pehar za našeg košarkaša Nemanju Miloševića koji je manje više “odmarao” u finalu i meč završio sa dva poena sedam skokova i tri asistencije ali je zato u polufinalu sa Debrecinom blistao sa 19 poena.
Večeras se izdvojio Vojvoda koji se zaustavio na 31 a pet manje ubacio je Šilard.
Na drugoj strani po 19 Govensa i Bruinsme.
Finalni meč propustio je bivši igrač Budućnosti Strahinja Mlošević koji će zbog povrede Ahilove tetive duže odsustvovati sa terena. Saigrači iz Solnoka pobjedu su posvetili upravo njemu.
