Ljudi zaduženi za naš muški rukomet su najprije planirali da „lavovi“ u sklopu priprema za SP u Poljskoj učestvuju na turniru u Tunisu od 27.do 30.decembra, ali je njihov put pod znakom pitanja.
Naime, prvo su iz domaće federacije kazali da će snositi troškove puta i smještaja, a onda naknadno našu federaciju obavijestili da mogu platiti samo smještaj.
To je poremetilo planove naše selekcije koja će za sada sigurno igrati 4.januara u Baru sa selekcijom BiH, a poslednje provjere će imati u Skoplju 10.i 11.januara protiv Makedonije.
Naši najbolji rukometaši će pripreme u Baru početi 21.decembra, bez Vuka Borozana, Vladana Lipovine, Raša Ristanovića i Vuka Lazovića koji u Njemačkoj imaju obaveze do 27.decembra. Prvenstvo Starog kontinenta počinje 15.januara, a “crveni” će igrati u Gdanjsku u grupi sa Danskom, Mađarskom i Rusijom.
tekst/foto: handball montenegro
