Došao je Tijeri Anri i ništa se nije promijenilo – Monako je doživio novi poraz, četvrti zaredom u šampionatu, serija bez pobjede je produžena na devet kola, pa “kneževi” dijele posljednje mjesto na tabeli!
Monako je izgubio od Strazbura u gostima 2:1, u meču u kome je rano ostao bez povrijeđenog Radamela Falkaa, a posljednjih pola sata igrao sa deset igrača, nakon isključenja Samuela Grandsira, koji je samo dva minuta ranije zamijenio Stevana Jovetića.
Domaćin je prvi gol postigao preko Tomasona, uz veliku pomoć golmana Sija, drugi iz kontre u 84. minutu (Motiba).
Gosti su poraz ublažili golom Jurija Tilemansa iz penala u posljednjim trenucima meča.
Monako nije imao ni sreće, stvorio je dosta prilika, dva puta su igrači domaćih izbacili loptu sa gol linije…
Sa druge strane, PSŽ je potopio Amijen 5:0 i ima maksimalan skor i poslije desete runde..
