Poslije odlične sezone u dresu Mladosti iz Donje Gorice, kojoj je kao najbolji strijelac 2. CFL sa 16 golova pomogao da se vrati u elitni rang, Igor Vukčević ide na dug put, jer je potpisao za vicešampiona Tadžikistana, Hudžandu.
Vukčević je veći dio karijere proveo u Drugoj ligi i na 135 utakmica u dresovima Arsenala, Koma, Bokelja, Internacionala i Mladosti 59 puta tresao mreže.
Na kraju sezone mu je istekao ugovor sa Mladosti i nije ga produžio, a umjesto njega je novi-stari prvoligaš doveo Rodriga Fausta iz Petrovca i Balšu Mrvaljevića iz Otranta.
Igrao je i za mladi tim Podgorice, te OFK Titograd, Budućnost i Petrovac, a ovo će mu biti drugi inostrani angažman.
Drugi dio sezone 2021/2022. je proveo u kosovskom Ljapiju, ali je igrao jako malo.
