Košarkaši Šibenke iza sebe imaju zadovoljavajuću sezonu u domaćem šampionatu.
Završili su je u četvrtfinalu plej-ofa kada je od narandžastih bio bolji Zadar u dvomeču.
I u tom posljednjem duelu pečat na svoju sjajnu sezonu na ličnom planu stavio je crnogorski centar Milija Miković koji je u porazu na domaćem parketu od Zadra 65:86 upisao 21 poen.
Snažni košarkaš iz Bara proglašen je za najboljeg strijelca prvenstva i tako na najbolji način završio svoje poglavlje u slavnom hrvatskom klubu.
“Nagrada za najboljeg strijelca je za mene jedno veliko priznanje i veliki vjetar u leđa za moju košarkašku budućnost” – rekao je Milija Miković. “Mogu slobodno reći da je za mene ovo bila najbolja sezona u košarkaškoj karijeri. Drago mi je da se to dogodilo u jednom velikom klubu kao što je Šibenka. Htio bih se zahvaliti prije svega upravi kluba, zatim trenerima, a prije svega zahvalnost ide mojim momcima, mojim saigračima, bez kojih sigurno ne bih mogao osvojiti ovu nagradu” – kazao je najbolji strijelac sezone Miković.
Velikani neka stanu u red, po svemu sudeći naš košarkaš biće na slatkim mukama kada ja u pitanju izbor novog kluba.
