I drugi meč na turneji po Srbiji je bio uspješan za košarkaše Mornara.
Nakon FMP-a, Ponos Bara je savladao i Mega Bemax, doduše teže nego tim iz Železnika – 94:87.
Velike nade Mege pod košem, Filip Petrušev (28 poena, šest skokova) i Kolašinac Marko Simonović (17 koševa, 5-4 za tri), dugo su držale tim Vlade Jovanovića u igri, ali su iskusniji izabranici Mihaila Pavićevića preokrenuli u posljednjoj četvrtini.
Najefikasniji su bili plejmejkeri Ajzea Vajthed sa 19 i Derik Nidam sa 18 poena, a dvocifren je bio Marko Jeremić (12, trojke 3-3).
Mornar u srijedu od 18 časova igra sljedeću pripremnu utakmicu igra u dvorani „Ranko Žeravica”, a rival je Partizan.
MEGA BEMAX – MORNAR 87:94 (20:25, 24:17, 25:23, 18:29)
Mega Bemax: Smit 12, Jović, Jovičić, Tepić 3, Mišković 11, Kazalon 5, Momirov 9, Cerovina 2, Simonović 17, Petrušev 28, Matković, Langović.
Mornar: Pulen 8, Gejbrijel 9, Nidam 18, Jeremić 12, Šehović 5, Smit 4, Mugoša, Vajthed 19, Pavić, Vujošević, Vranješ 4, Bjelica 8, Luković 7.
