Trener Budućnosti Petar Mijović bio je razočaran porazom od Galatasaraja u Istanbulu 84:83 nakon produžetka u četvrtom kolu Evrokupa.
“Plavi” su imali veliku šansu, tri šuta za pobjedu – jedan u regularnom dijelu, dva u produžetku…
“Teška utakmica protiv tima koji je kvalitetom među 5-6 u Evrokupu. Došli smo po pobjedu, da se vratimo u trku za drugu fazu. U teškoj smo situaciji, jer smo izgubili i od Trenta i Arke kod kuće. Međutim, igraćemo i borićemo se dok postoji šansa“, rekao je Mijović.
On je čestitao Galatasaraju, ali naglasio:
“Galatasaraj je pobijedio zasluženo, a bilo bi zasluženo i da smo mi slavili. Igrali smo dobru košarku na momente, ali smo u pojedinim, važnim trenucima gubili fokus, nismo imali dobru komunikaciju, a rival je i pogodio neke važne trojke“, kazao je trener Budućnosti.
