Matković nakon trofeja – Lijepo je znati da se rad isplatio

Dušan Matković odigrao je jedan od najboljih mečeva u kapici Primorca. Reprezentativac Crne Gore postigao je četiri gola u slavlju kotorske ekipe protiv Jadrana u finalu Kupa.

– Poseban je osjećaj. Poslije toliko godina trofej donosimo kući. Duži niz mjeseci smo radili za ovo, lijepo je znati da se rad isplatio. Fizička priprema je nešto na čemu smo puno radili, a uspjeli smo i da budemo smireni u napadu, što je dalo rezultat. Imali smo i taj pad u igri nakon što smo promašili peterac, ali uspjeli smo da se izborimo sa pritiskom – kazao je Matković.