U derbiju 3. kola slovenačke NLB rukometne lige RD Riko Ribnica našeg reprezentativca Rista Vujačića savladala je u gostima RD Koper 2013 rezultatom 29:26. Vujačić je bio najbolji akter utakmice sa 8 golova uz samo 2 promašaja iz igre! Ne samo da je bio aktivan u napadu, nego je i sjajnom odbranom pomagao svom timu da prelomi meč u ključnim momentima. Sa ukradenom loptom na 2:34 do kraja, lansirao je kontru kojom je Ribnica zapečatila sudbinu favorizovanog Kopera.
Baranin visok 1.95 sa topom u ruci već se prošle godine istakao u Sloveniji kao najbolji strijelac prvenstva, a kao nagradu za sjajan uspjeh potpisao je novi dvogodišnji ugovor sa timom iz centralne Slovenije. Ovom vrijednom pobjedom Ribnica kolo vodi i u sljedećem kolu dočekuje još jednog velikana, Celje našeg Branka Vujovića.
