Mornarova premijera u ABA ligi nije bila dobra. I poraz nije mogao da se izbjegne, jer je Cibona bila brža, energičnija, pametnija.
Barani su u “Topolici” izgubili rezultatom 87:77 i prekinuli seriju od pet pobjeda u regionalnom takmičenju protiv Zagrepčana.
Posljednji put je Cibona slavila u novembru 2018. kada je u dvorani “Dražen Petrović” bilo 84:73.
Odbrana je u ovom susretu bila osnovni problem ekipe Mihaila Pavićevića.
Roko Prkačin je u prvom poluvremenu radio šta je želio (postigao je 18 poena za 18 minuta, i to bez promašaja), nije bilo rješenja ni za Amara Gegića (11 koševa i sedam asistencija u prvom dijelu).
Zato i ne čudi 51 primljen poen Mornara u prvih 20 minuta, kao ni razlika od minus 19 na odmoru…
Mornar je agresivnije ušao u treću četvrtinu, Vladimir Mihailović je sa osam vezanih poena pokušao da trgne ekipu, ali su gosti u svakom momentu imali odgovor na drugoj strani terena.
Jedan klik te dijeli od najboljeg bonusa dobrodošlice. Registruj se na meridianbet.me i preuzmi 100 eura + 100% bonusa na prvi depozit!
