Fudbaleri Lacia nastavljaju sa sjajnim igrama u Seriji A, danas su u prvom nedjeljnom meču 11. kola deklasirali novjaliju Benevento u gostima 5:1 a strijelac trećeg gola bio je naš Adam Marušić.
Maruša nastavlja da oduševljava Inzagija, ali i sve navijače Lacia. Već je izborio mjesto startera a ne samo što odlično obavlja defanzivne zadatke, već i aktivno učestvuje u svim napadačkim akcijama “nebesko-plavih” koje ne tako rijetko i sam kruniše golovima.
Tako je bilo i danas protiv nesrećnog Beneventa koga svi vide kao ekspresnog putnika u Seriju B.
Marušič je postigao treći pogodak na meču nakon što je sjajno ispratio akciju Bastosa i Imobilea na čiji je pas uklizao na drugu stativu i loptu ugurao u mrežu.
Za Lacio su pogađali Bastos u 4′, Imobile u 13′, Marušić u 24′, Parolo u 76′ i Nani u 86.minutu. Za domaće počasni pogodak postigao je Lazar u 55. minutu.
Lacio je sada na trećoj poziciji sa 28 bodova ali ima i meč više od Intera i Rome. U sljedećem kolu dočekuju Udineze.
