Aktuelni šampion je postavio stvari na svoje mjesto u borbi za Skudeto.
Inter je savladao Atalantu u Bergamu 2:0 i na pravi način iskoristio kiks Napolija koji je danas u Veneciji odigrao bez golova.
U malom derbiu sjevera Italije gotovo da dileme nije bilo – “crno-plavi” su igrali onako kako žele, pogotovo nakon što im je prednost donio Augusto početkom drugog poluvremena.
Poslije je “boginja” ostala s desetoricom (isključen Ederson), a Inter preko Martinesa završio posao. Do kraja je i gost ostao s 10 igrača, jer je drugi žuti karton dobio Bastoni.
Inter na vrhu ima tri boda više od Napolija, a šest od trećeplasirane Atalante.
