Pionirska fudbalska reprezentacija Crne Gore minimalno je poražena od vršnjaka iz Bosne i Hercegovine.
Domaćin je do pobjede stigao nepun minut prije isteka regularnog toga i tako riješio meč koji je protekao u izuzetno borbenoj i izjednačenoj igri obje ekipe.
,,Sokolići“ su odličnu šansu imali u petom minutu, ali je Milan Ajduković iz dobre pozicije glavom poslao loptu pored gola.
Nakon toga nije bilo izrazitih šansi na utakmici, sve do 79. minuta i pogotka Andreja Mićića, koji je iskoristio prostor koji mu se ukazao.
– Odigrali smo jednu tvrdu utakmicu, bez puno situacija pred oba gola i u kojoj su šansu dobili svi igrači sa manjom minutažom. Opet smo primili gol iz greške zadnje linije i to u posljednjem minutu utakmice, što nam nije ostavilo prostor da napravimo reakciju i dođemo do izjednačenja. Uradićemo detaljnu analizu oba meča i pokušati da u narednom periodu ispravimo greške koje nam se ponavljaju i spremni dočekamo mečeve koje nas čekaju na jesen, istakao je selektor Goran Perišić.
BOSNA I HERCEGOVINA – CRNA GORA 1:0
Strijelac
1:0 – Mićić 79′
Bosna i Hercegovina: Faris Mehić, Filip Taraba, Đorđe Burnjaković (od 60. Nidal Čelik), Ajdin Beganović, Darije Markočević (od 69. Andrej Mičić), Andrej Subotić (od 54. Dženan Šabić), Marko Brekalo (od 69. Minja Tatić), Harun Sadžak, Nedim Keranović, Adrijan Perić, Zlatan Zeničanin.
Crna Gora: Ivan Božinović, Tomislav Turović (od 71. Lazar Maraš), Nemanja Radević (od 41. Danilo Vukanić), Miloš Vračar, Marko Perović (od 41. Vuk Popović), Lazar Šekularac, Milan Ajduković (od 41. Marko Tadić), Uroš Piperović, Andrija Bulatović, Andrej Camaj (od 50. Andrija Skrobanović), Luka Radojević (od 41. Vasilije Adžić).
