Crnogorska reprezentativka Medina Dešić karijeru nastavlja u Nirnbergu, klubu koji je prošle sezone izborio plasman u elitni rang njemačkog fudbala za dame.
Dešić je napustila Lajpcig, ekipu koja se takođe kroz drugoligaški karavan i to dominantno domogla Bundeslige.
„Imala sam dobre i pozitivne razgovore sa čelnicima kluba. Dobro znam Nirnberg iz prethodnih sezona i uvijek su bili težak protivnik. Želim da pomognem na terenu iskustvom i kvalitetom i koliko god je moguće da doprinesem golovima uspjehu tima. Radujem se i jedva čekam da počne Bundesliga“, kazala je Medina, prošle sezone treći strijelac njemačke Druge lige sa 12 golova.
Karijeru je počela u Verthajmu, igrala još za ETSV, Dragonse i Kikerse.
Za reprezentaciju je na 14 mečeva dala dva gola.
