Reprezentacija Belgije lako je izašla na kraj sa ekipom Paname 3-0, u prvom meču G grupe Svjetskog prvenstva u Rusiji.
Opravdali su Belgijanci ulogu izrazitog favorita u ovom meču, ali tek u drugom poluvremenu.
Iako su imali konce igre u svojim rukama, napadali, stvarali šanse, Panama se uspješno branila u prvih 45 minuta susreta.
Stvari su ipak došle na svoje mjesto u nastavku meča.
Odmah nakon pauze, Belgija je nastavila tamo gdje je stala u prvom poluvremenu da bi u 47. minutu Mertens sjajnim volej udarcem načeo mrežu protivnika.
https://www.youtube.com/watch?v=AsBFnVwSxOk
I Belgija tu nije usporila ritam. Naprotiv, nastavila su momci u crvenim dresovima da igraju i stvaraju šanse a jednu dobru u 69. minutu je u gol pretvorio Lukaku.
Napadač Mančester Junajteda je u 75. minutu istrčao kontru, a loptu koju mu je proslijedio Azar smjestio u mrežu Paname za svoj drugi a ukupno treći gol na meču za Belgiju.
U drugom meču u ovoj grupi, koji se igra večeras od 20 časova, snage će odmjeriti reprezentacije Tunisa i Engleske.
