Popularni crnogorski borac Vaso Bakočević (22-11) zaustavljen je u posljednjem meču, no ako ste mislili da se ostavio aktivnog takmičenja, “Psihopata” ima poruku za vas.
Odlučili smo kontaktirati Vasa kako bi saznali što se kuva narednih mjeseci. Kuva se puno toga, kako u teretani tako i u kuhinji, a upravo mu ono u kuhinji pravi probleme, otkrio je uvijek za šalu spremni Bakočević.
“Ja sam uvijek u treningu, samo što me kilaža ubija jer volim jesti, da nema tog prokletog skidanja kila siguran sam da bih se tukao svaki vikend dok mi glava ne bi pukla,” izjavio je za Profightstore.
Ponuda za nastupe ne manjka.
“Ponuda imam mogu reći i previše, što se tiče Evrope mogu birati u koju ću organizaciju. I dalje sam pod ugovorom s KSW-om i imam još 1 meč za njih, koji bih tek krajem godine trebao odraditi. Trenutno sam u pregovorima za Akhmat Fight Grand Prix pa ćemo vidjeti što i kako.
Nikada nisam birao protivnike i tako će ostati do kraja moje karijere. Posljednji mečevi su mi živi užas, ali ako neko na sekundu pomisli da ću se predati, e taj tek nije normalan. Poslije kiše dolazi sunce i vratit ću se na noge kad tad, a onda će da im zakuka majka što ih je rodila.”
Ranije je odlazio na Tajland, a taj će put ponoviti i ubuduće.
“Trenutno sam u Beogradu i treniram u nekoliko različitih klubova, a kada budem zakazao malo ozbiljniji meč otići ću na Tajland za pripreme jer mi odgovaraju uslovi.”
Vasu kritičari nisu bili glavna tema, ali se on pobrinuo da ih ne izostavi.
“Moram biti malo bezobrazan da imaju za što da me pljuju ovi po fejsu što su nervozni jer rade posao koji ne vole i još im komšija posjećuje ženu, a ne smiju ništa da urade povodom toga. 2-3 meča do ljeta pa odmor i onda konačno USA i ATT tim na pripreme i u nove pobjede, a bogami i poraze jer to je sastavni dio ovog sporta samo se to majmunima ne može objasniti.”
Za kraj se osvrnuo na zagrebački UFC.
“Što se tiče UFC-a u Zagrebu, ispunio je očekivanja, puna Arena do krova, sjajno navijanje, jednostavno fenomenalno, svi borci iz regije koji su imali priliku da se bore će vjerojatno taj osjećaj nositi do kraja života, bez obzira na ishod meča. Igor Pokrajac me je oduševio svojim srcem u koje nikad nisam ni sumnjao i šteta što mu nisu dali bonus, ali drugu šansu će sigurno dobiti za razliku od recimo Pejića koji ne zna ni sam kako je tamo dospio i kojeg je prosječni poljski borac počistio u 2 minuta. Imam osjećaj da ćemo se ja i on družiti uskoro, samo da se dovedem u red jer sam trenutno samoubilački nastrojen zbog svojih nastupa haha.”
