Fudbaleri OFI-a prvi su finalisti grčkog Kupa, a apsolutni heroj ekipe sa Krita je naš reprezentativac Marko Bakić – i to ne baš u svakodnevnoj ulozi.
Bakić je igrao cijeli meč, koji je na kraju završen 1:1 protiv Asterasa (prvi meč dobili su 2:1), a posljednje trenutke proveo je kao golman, budući da je prvi čuvar mreže Nikolaos Kristogeorgas dobio crveni karton u 95. minutu.
Sudija je produžio meč još sedam minuta, a Bakić je bio sjajan u ulozi golmana.
Imao je čak i pravu golmansku intervenciju kada su gosti izveli slobodan udarac, a on paradom spriječio loptu da uđe u mrežu.
OFI se plasirao u finale Kupa nakon 35 godina čekanja gdje ih gotovo sigurno čeka Olimpijakos koji je slavio 6:0 u prvom meču protiv AEK-a.
Video Player
00:00
00:00
Registruj se na meridianbet.me – igraj besplatno pet dana, a kad uplatiš samo 5 eura, bonus odmah stiže na tvoj račun!
