Vukašin Poleksić: Atmosfera nikad nije bila bolja

0
519

Reprezentativci Crne Gore nastavili su pripreme za duele sa Lihtenštajnom i Moldavijom treningom na Gradskom stadionu u Podgorici. Golman Vukašin Poleksić poručio da atmosfera nikad nije bila bolja.

Maksimalno smo koncentrisani i spremni, i siguran sam da nam se neće dogoditi kiks kao u prvom duelu u gostima. Samo razmišljamo o ovom duelu, da upišemo pobjedu, da se dobro odmorimo, pa onda idemo za Moldaviju da i tamo trijumfujemo. Do sada su kvalifkacije bile neuspješne, ali izvukli smo neke pozitivne stvari iz svega. Vidjeli smo i gdje smo griješili, ali  gdje smo uradili dobre stvari. Što se tiče atmosfere, mislim da nikada nije bila bolja. Dosta igrača je počelo da igra u svojim klubovima. Naš primarni cilj su tri pobjede. Ove dvije i Austrija kod kuće. I onda nas čeka okršaj sa Rusijom. Nadam se da će se i oni okliznuti barem jednom do tog duela, pa da tamo rješavamo pitanje baraža”, kazao je Poleksić.

Prvi put u reprezentaciji su trojica golmana iz domaće lige.

To nam je malo čudno, prvo meni, pa i ostalim momcima. Ali, sigurno da je to dobra stvar. I naša liga mora da se prati. Ima tu ne samo kvalitetnih igrača, nego i golmana. Što se tiče golmana u reprezentaciji, sigurno da su talentovani i da je blistava budućnost pred njima. Ne treba da brinemo kada su u pitanju golmani u narednom periodu. Što je najvažnije svi igrači su orni i spremni da iz ove dvije utakmice izvučemo šest bodova”, poručio je golman Crne Gore.

 

 

Portal Analitika