Vladan Lipovina na svoj rođendan pospremio Frisenhajm!

0
278

Naš reprezentativac Vladan Lipovina je samo tri dana nakon produžetka ugovora sa Veclarom protiv Frisenhajma pokazao zašto su čelni ljudi kluba po svaku cijenu željeli da ga zadrže.  Naime, Lipa je na svom rođendanu bio jedan od najzaslužniji za trijumf Veclara nad Frisenhajmom 32:27, koji je samo prije četiri dana savladao Hamburg.

Desni bek sa Cetinja je na terenu proveo 30 minuta i za to vrijeme je uspio da se izigra, ali i stavi na muke protivničkog golmana, s obzirom da je zabio pet golova i imao tri asistencije, tako da nikome u „Rital Areni“ nije bilo jasno zašto ga je trener odmarao u nastavku . Još jednu odličnu partiju je pružio Makedonac Dejan Manaskov koji je bio najefikasniji u svom timu sa sedam golova, dok je i Tonesen zabio pet od deset šuteva. Četiri gola je dodao rukometni mađioničar Ivano Balić, koji je imao i 11 asistencija. Najefikasniji kod Frisenhajma je bio Bogdan Krikiotiu sa 10 golova.

Bodove spasa nije osvojio Minden na svom terenu protiv Gepingena 24:26, dok je Gumersbah savladao Bergišer 31:28.

 

 

 

Handballme.me