Golman njemačkog Melsungena Nebojša Simić blistao je u herojskoj pobjedi nad Dancima.
Zaplakao je na kraju meča i uz mnogo emocija drhtavim glasom dao izjavu odmah nakon selektora Roganovića.
“Ljudi ja ne mogu da vjerujem, ovo je najljepši trenutak u mojoj karijeri. Mi smo poginuli danas, igrali smo drčno, bezobrazno… Moj dres je težak pet kilograma od znoja ali nijesam se umorio za ove navijače… Kada sam čuo da je kraj da smo dobili, ja sam pao, ne mogu da vjerujem šta se desilo. Mene ne zanima moj učinak, šta su radili ostali momci, Lipa, Vujović, svi su dali sve. Ja sam sam dio jednog kolektiva ekipe, ovog naroda i države. Moj učinak je nebitan ova dva boda su sve!”, izjavio je Simić nakon meča.
