Prebiračević: Budućnost je zasluženo pobijedila

0
94

Odbojkaši Budućnosti Capital Plaze sinoć su u Bijelom Polju savladali domaće Jedinstvo rezultatom 1:3. To je bio prvi podvig Podgoričana nakon 10 poraza u duelima sa Bjelopoljcima.

“Čestitke ekipi Budućnosti, sinoć su zasluženo pobijedili. Igrali su sa puno želje i borbenosti, puno rizikovali i to im se na kraju isplatilo. Sa druge strane mi nijesmo bili na nivou skoro u svim elementima, posebno u finišima setova. Mi smo svjesni da imamo kvalitet i ovaj poraz će nam dati samo dodatni motiv da nastavimo da radimo jače i kvalitetnije. Potpuno vjerujem u momke, njihov kvalitet i sve ono sto radimo. Siguran sam da ćemo se već u sljedećem kolu vratiti u pobjednički ritam i biti spremni za nastupajuće mečeve u CEV-u i domaćem prvenstvu”, zaključio je trener Darko Prebiračević.