Rukometašice francuskog Meca napravile su ogromno iznenađenje u meču petog kola Glavne runde Lige šampiona.
Tim naše Marine Rajčić deklasirao je na svom terenu makedonskog prvaka rezultatom 42:28.
Izgleda da Makedonke nisu uspjele da prebole onaj poraz od Budućnosti u prošlom kolu a francuski tim očigledno je to znao i više nego da iskoristi.
Nišanske sprave namjestila je Gros koja je čak 12 puta zatresla mrežu. Odlična je bila i Smits sa 8 a branila je i u veoma važnim momentima naša golmanka Rajčić koja je upisala 6 odbrana (skinula dva sedmerca) a uspjela je i da zatrese mrežu u napadu kada je Vardar igrao bez golmanke. Glose je imala 12 odbrana.
Na drugoj strani najefikasnija je bila Andrea Penezić sa 10 golova. Naša Jovanka Radičević dodala je 3.
